يا حوينتك يا ألمانيا!!!

-سمعت بواحد اسمو أولاف شولتس؟

-أجابه متفاجئا: لا والله مين هاد ولو؟

-هاد رئيس ألمانيا أجابه

-عم تمزح اللي بعرفو انو,رئيسة ألمانيا انجيلا ميركل , أخت رجال,وكل الدنيا بتعرفها!

-لك شو وين عايش أنت, الله يرحم أيامك يا ميركل ,من سنتين راحت واجا بعدها هادا الاولاف اللي سألتك عنو.

-عم قول لحالي ليش هيك صاير بألمانيا وكل مالها لورا!

قال له: مابتتذكر كيف كانوا بدوهن يفشلوا كأس العالم اللي كان بقطر بقصص المثلية وما المثلية لكنون خسروا وفشلوا ورجعوا ع بلادهم طب!

أجابه: والله هادا الزلمة باين عليه بنوب

-وبتعرف شو عمل كمان؟

-لا والله شو عمل

-كل العالم استنكرالهمجية والبربرية بقتل الاطفال والمدنيين بغزة الا هادا الاولاف راح على ا س ر ا ئ ي ل وبكل وقاحة وصفاقة أيد العدوان الهمجي والتدميري ع المدنيين وبشكل مبتذل ورخيص وكأنه صعلوك ومو معروف قرعة ابوه منين!

-العمى لها الدرجة!

-وأكتر,وبعدها شوف الوقاحه ركب الطياره ودون دعوه وراح على قطر وهنيك يا أبو الشباب أكلك كف بيسوى حياتو.

-ليش شو صار؟

-لطعولك ياه بالمطار وماحدا استقبلو ورجع على ملا وشو,واخر شي طلع معو انو بدو ينسحب من السوق الاوربية وهادا متل ماقريت بيخسر المانيا الاف المليارات.

أجابه: هادا بدو يروحها لألمانيا!

-روحها وخلص وبعد ما كانو يقولوا ألمانيا فوق الجميع صارت تحت وفهمك كفاية!

-ياحوينتك يا ألمانيا شوقلتللي اسمو هادا الحلوف؟